وزارت امور خارجه روسیه خبر داد که وزیر خارجه این کشور و تاجیکستان در مورد وضعیت افغانستان و منطقه گفتگو کردند.
به گزارش آران نیوز به نقل از ایراف به نقل از آژانس خبری تاجیکستانی ترند، در جریان تماس تلفنی سراج‌الدین مهرالدین، وزیر امور خارجه تاجیکستان و سرگئی لاوروف، وزیر امور خارجه روسیه، آن‌ها به چندین موضوع کلیدی در روابط دوجانبه خود به ویژه مسأله افغانستان پرداختند. همچنین دوطرف بر تعهد متقابل به حفظ و هماهنگی مواضع در مورد موضوعات مهم بین المللی و منطقه ای، تاکید کردند.
تاجیکستان و روسیه پیش از این نیز در مورد افغانستان و نگرانی های امنیتی از جمله مواد مخدر و فعالیت گروه‌های تروریستی در افغانستان گفتگوهایی داشته اند.
در مهرماه سال جاری، صادق امامی، معاون وزیر خارجه تاجیکستان در نشست بین‌پارلمانی تاجیکستان و روسیه اذعان کرده بود که همکاری‌های امنیتی میان مسکو و دوشنبه بیشتر بر مسأله افغانستان متمرکز بوده است.
تاجیکستان که یکی از همسایگان افغانستان است، پس از به قدرت رسیدن طالبان همواره از تهدیدهای تروریستی و مواد مخدر از این کشور ابراز نگرانی کرده است.